Auzotik Galdakao. 5 eremua

Tailer honetan gure auzoen beharrizanak identifikatzen saiatu gara. Tailer hau Wikitokik dinamizatu du.

SARRERA

Aurkezpenen eta saioari hasiera eman aurretik, inkesta banakako hausnarketa-ariketa gisa betetzeko eskatu zaie bertaratuei.

Inkestak bete ondoren, tailerra hasi da.

Talde teknikoa aurkeztu da: Parte-hartze eta Gardentasun teknikaria (Unai) eta diagnostikoarekin lotutako zereginez arduratzen den Wikitokiko taldeko pertsonak (Thais, Jordi eta Imanol).

Parte-hartze teknikariak bilera azaldu du Kurtzea, Zabalgane eta Tximelarre Bekoa auzoak biltzen dituen 5. eremurako lau urteko jarduera-estrategia lantzeko partaidetza-prozesu baten barruan dagoela bilkura. Azaldu du, halaber, saioaren helburua eremuko auzoen premien inguruan eztabaida sortzea dela, eta informazioa biltzeko erabiliko diren beste teknika batzuk osatzen dituen jarduera dela.

Aurkezpen-erronda bat hasi da, eta bertaratutakoei eskatu zaie beren izena eta auzoa hitz batekin definitzeko. Besteak beste, lasaitasuna, berdeguneak, erdigunetik hurbil, itsusia edo auzokideen arteko harreman ona bezalako hitzak entzun dira.

TALDE-LANA

Wikitokiko taldeak hurrengo jarduera azaldu du: hiru taldetan lan egitea proposatu da. Talde horietako bakoitzak estrategiak izango dituen hiru ardatz estrategikoetako bat landuko du, gobernu-planaren ardatz estrategikoekin bat datozenak, gainera: oparo bizi, osasuntsu bizi eta eroso bizi.

Ardatz horietako bakoitzak hainbat gai biltzen ditu:

1. Oparo bizi: kultura-jarduerak eta -eskaintza, euskara, asoziazionismoa, adinekoak, kultura-aniztasuna, ekonomia eta kontsumoa, parte-hartzea eta gizarte-kohesioa.
2. Osasuntsu bizi: ingurumena, paisaia, klima, garbitasuna eta osasungarritasuna eta jarduera osasungarria.
3. Eroso bizi: hiri-altzariak, irisgarritasuna, mantentze-lanak, hirigintza eta etxebizitza.

Parte-hartzaileei taldea beren interesen arabera hautatzeko eskatu zaie.

Pertsona bakoitza dagokion taldean kokatu ondoren, lanari ekin zaio; hau da, beharrizanak planoan identifkatu eta erantsitako koadro batean horiek azaldu. Era berean, "hodei" batean, ukiezinak izateagatik mapan koka ezin daitezkeen beharrak identifikatzeko eskatu zaie.

EKITALDIAREN LABURPENA

Jarraian, taldeetan jasotako zenbait gairen zerrenda aurkezten da:

• Zenbait bizilagunek hondakinak ez dituzte zuzen kudeatzen, ez baitituzte biltegietan sartzen. Hori saltokiek egiten dutenean, arazoa gehiago nabarmentzen da, bai zaborren bolumenagatik, bai usainengatik.
• Iturrondo plazan antolatzen diren ekitaldiek sortutako eragozpenak eta kutsadura akustikoa.
• Substantzien kontsumoak eta horri lotutako gizalegearen aurkako portaerak, hala nola pintadak, zaratak, etab.
• Batzuetan zuhaitzak kentzen dira eta gero ez dira jartzen.
• Berdeguneen erabilera eta gozamena ez da sustatzen.
• Arratoien izurriteak.
• Kexak lorezaintza-zerbitzuen jardunbide txarragatik, "beren lana ondo egiten ez dutelako".
• Paseatzeko bide gutxi daude eta ez dira ezagutzen.
• Bilketa neumatikoa amaitu gabe.
• Pisu turistikoak ugaltzeko arriskua. Etorkizun ez oso urrunean bizikidetza-arazoa ekar ditzakeen arazoa da. Metroaren etorrerak nahi ez den eragin hori izan dezake.
• Espazio publikoa terrazekin inbaditzea. Batzuetan ez da betetzen udal-araudia bera (adibidez, paretan jarritako terrazak, ikuspen urriko pertsonak oztoporik gabe ibiltzea eragozten dutenak).
• Mugururen aurreko bankuen ordez oso ergonomia txarreko bankuak jarri dira.
• Ez da energia berriztagarrien erabilera sustatzen. Energia-erabilera oso intentsiboa duen eremua da. Esan da Zabalganen ekaitza dagoenean ez dela harritzekoa argia joatea.
• Elementu positibo gisa, bizilagunei entzuteko egiten ari den ahalegina nabarmendu da.
• Adineko pertsonentzako irisgarritasun-arazoak Tximelarren. Erdigunera hurbiltzea zaila dute.
• Industria-nabeetako teilatu guztiak ez dira baliatzen eguzki-plakak jartzeko.
• Irisgarritasun-arazoak Zabalganen. Igogailua.
• Aparkaleku-arazoak Tximelarren.
• Tximelarrek arazo bat du suhiltzaileen kamioiak auzora sartzen ez direlako.
• Plazakoetxe, kutsadura akustikoa, kea, errepideko arriskua...
• Aparkatzeko arazoak Zabalganen.
• Espaloiak mantentzeko arazoak.
• Haurrentzako jolasguneak eta ariketa fisikoa egiteko tresnak falta dira.
• Etxebizitzaren prezio altua.
• Lokal hutsak.
• Komun publikoak falta dira.
• Beldurra telefoniako antenen balizko efektuengatik.
• Asteburuko gaueko aisialdiarekin lotutako bizikidetza-arazoak.
• Txakurrek sortutako zikinkeria.
• Ez da behar adina polizia oinez.
• "Trapitxeoak".

ITXIERA

Parte-hartze teknikariak berriro eskertu du taldearen lana, eta azaldu du hurrengo urratsak deriba egitea eta diagnostikoa informazio guztiarekin amaitzea izango direla. Ondoren, ondorioak aurkeztuko dira eta jarduketa-estrategia lantzean datzan proiektuaren 2. faseari ekingo zaio.

Gogorarazi du urtean 140.000 € bideratuko direla eremu horretako estrategiara.

Bilkura amaitutzat eman da.