Auzotik Galdakao. 4 eremua

Tailer honetan gure auzoen beharrizanak identifikatzen saiatuko gara. Tailer hau Wikitokik dinamizatuko du.

SARRERA

Aurkezpenen eta saioari hasiera eman aurretik, inkesta banakako hausnarketa-ariketa gisa betetzeko eskatu zaie bertaratuei.

Inkestak bete ondoren, tailerra hasi da.

Talde teknikoa aurkeztu da: Parte-hartze eta Gardentasun teknikaria (Unai) eta diagnostikoarekin lotutako zereginez arduratzen den Wikitokiko taldeko pertsonak (Thais eta Jordi).

Parte-hartze teknikariak bilera azaldu du Upomendi, Zuatzu, Bengoetxe, Troka eta Ergoien auzoak biltzen dituen 4. eremurako lau urteko jarduera-estrategia lantzeko partaidetza-prozesu baten barruan dagoela bilkura.

Azaldu du, halaber, saioaren helburua eremuko auzoen premien inguruan eztabaida sortzea dela, eta informazioa biltzeko erabiliko diren beste teknika batzuk osatzen dituen jarduera dela.

Aurkezpen-erronda bat hasi da, eta bertaratutakoei eskatu zaie beren izena eta auzoa hitz batekin definitzeko. Besteak beste, lasaia, auzo-laguntasuna edo deslokalizatua (Bengoetxe), argitsua (Zuatzu) edo familiarra (Upomendi) bezalako hitzak entzun dira.

TALDE-LANA

Wikitokiko taldeak hurrengo jarduera azaldu du: hiru taldetan lan egitea proposatu da. Talde horietako bakoitzak estrategiak izango dituen hiru ardatz estrategikoetako bat landuko du, gobernu-planaren ardatz estrategikoekin bat datozenak, gainera: oparo bizi, osasuntsu bizi eta eroso bizi.

Ardatz horietako bakoitzak hainbat gai biltzen ditu:

• Oparo bizi: kultura-jarduerak eta -eskaintza, euskara, asoziazionismoa, adinekoak, kultura-aniztasuna, ekonomia eta kontsumoa, parte-hartzea eta gizarte-kohesioa.
• Osasuntsu bizi: ingurumena, paisaia, klima, garbitasuna eta osasungarritasuna eta jarduera osasungarria.
• Eroso bizi: hiri-altzariak, irisgarritasuna, mantentze-lanak, hirigintza eta etxebizitza.

Parte-hartzaileei taldea beren interesen arabera hautatzeko eskatu zaie.

Pertsona bakoitza dagokion taldean kokatu ondoren, lanari ekin zaio; hau da, beharrizanak planoan identifkatu eta erantsitako koadro batean horiek azaldu. Era berean, "hodei" batean, ukiezinak izateagatik mapan koka ezin daitezkeen beharrak identifikatzeko eskatu zaie.

LANAREN LABURPENA

Jarraian, taldeetan jasotako zenbait gairen zerrenda aurkezten da:

• Arrien tabernaren ondoko aparkalekuaren eremua ez da segurua, eta, gainera, ibilgailuak legez kanpo saltzeko erabiltzen da.
• Elementu positibo gisa, eremuan egiten ari diren zenbait lanek paseatzea laguntzen dute.
• Zebrabideak gaizki kokatuta daude, eta ez dira seguruak.
• N634 errepidetik Bengoetxera sartzeko bihurgunea oso arriskutsua da.
• Bengoetxen, ibilgailuak ikustea eragozten duten zuhaizkak dituzten guneak daude.
• Bengoetxe 42ren inguruko guneak hainbat arazo ditu: suhiltzaileen anbulantzia edo kamioietara iristeko zailtasunak, arratoiak eta garbitasun falta.
• Garai bateko Sagarduy Tailerra zegoen lur-zatia kutsatuta egon daiteke.
• Aparkatzeko arazoak Bengoetxen.
• Espaloirik ez Zuatzun, geltokiko eraikinaren parean.
• Geltokiko aparkalekua. Muturretako batek zabor dezente pilatzen du.
• Gizalegezko arazoak Santa Barabarako hondakinen kudeaketan (zaborrak ez dira edukiontzietan uzten, gauzak abisatu gabe uzten dira, etab.)
• Eremu osoan, tokiko merkataritzaren falta.
• Eremu osoan, ez dago udal-zerbitzurik (ESAN, Gizarte Zerbizuak...).
• Upomendi, aldapa asko dituen auzoa da.
• Estolderia egoera txarrean.
• Auzokideek erabiltzeko lokalik ez izatea.
• Upomendin haurrentzako jolas guneak falta dira.

ITXIERA

Parte-hartze teknikariak berriro eskertu du taldearen lana, eta azaldu du hurrengo urratsak deriba egitea eta diagnostikoa informazio guztiarekin amaitzea izango direla. Ondoren, ondorioak aurkeztuko dira eta jarduketa-estrategia lantzean datzan proiektuaren 2. faseari ekingo zaio.

Gogorarazi du urtean 185.000 € bideratuko direla eremu horretako estrategiara.

Tailerra amaitutzat eman da.