Auzotik Galdakao. 4 eremua

Hauek izan dira saio honen helburuak:

1. Proiektuaz arduratuko den talde teknikoa aurkeztea.
2. Auzoetan informazioa biltzeko erabiliko den galdetegia aurkeztu eta testeatzea.
3. Deribaren ibilbidea diseinatu.
4. Ondorengo faseetan erabiliko diren komunikabideak azaldu eta horien inguruan ekarpenak jasotzea.

Sarrera eta aurkezpenak
Bilerari hasiera emateko, partaideei eskerrak eman eta aurkezpenak egin dira. Proiektuaren kudeaketa teknikoaz arduratzen den taldeko kideek bat egin dute taldearekin: Jordi (Wikitoki), Izaskun (Hiritik At). Idoia (Argizai) ezin izan da etorri.

Bilera kokatu

Auzotik Galdakao proiektuaren testuinguruan kokatzen da bilera, eta gogorarazi da talde eragilea pertsona-talde txiki bat dela, eta interesa agertu dutela prozesuarekin aktiboki lankidetzan aritzeko.

Gogorarazi da prozesuaren helburua dela eremu honetarako jarduketa-estrategia bat diseinatzea, eremu hori osatzen duten auzoen beharren azterketa batetik abiatuta.

1 eta 2 eremu pilotoetan proiektua oso aurretatuta dagoela eta horri buruzko informazio guztia erabaki.galdakao.eus plataforman dagoela azaldu da.

Saioaren azalpena

Azaldu da lantalde teknikoko kide bakoitzak dituen zereginak azalduko dituela, eta, ondoren, bi lan zehatz egingo ditugula:

• Bizilagunei egingo zaien inkesta osatu, berrikusi eta ekarpenak egin.
• Deriban bisitatu behar diren zonako puntuak identifikatzea.

Gogoan izan behar da, halaber, proiektuaren elementu garrantzitsuetako bat lurralde-kontseilua sortzea dela. Herritarrek eta erakundeek osatutako parte hartze espazio egonkorra da. Besteak beste, estrategian jasotako konpromisoen betetze-mailaren jarraipena egiteaz arduratzen den organoa da.

Kontseiluaren eraketa abenduan onartuko da Udalbatzan.

Kide kopuruari buruz galdetu da, eta erantzun da gehienez 20-25 kide izango direla eta herritarrak gehiengoa izango direla beti.

Diagnostikoaren metodologia eta kronograma (Wikitoki)

Informazioa biltzeko eta aztertzeko teknika kuantitatiboak eta kualitatiboak erabiliko direla azaldu da.

• Eremuari buruz dauden datuak aztertzea. Bidean dago.
• Inkesta eremuko lagin adierazgarri bati (200 inkesta). Azaroa eta abendua, formatu presentzialean eta on line.
• Inguruko bizilagunei irekitako tailerra. Azaroaren 13.
• Talde eragile guztiak biltzen dituen tailerra (4 eremuak). Abenduaren 11.

Inkestari buruzko informazioa postontzietan banatuko dela azaldu da, nahi duenak online bete dezan, qr bat eskaneatuz. Aldi berean, lantaldeko pertsonek auzoetan presentzia izango dute inkesta modu presentzialean betetzeko, eskatutako profiletako pertsonak zuzenean elkarrizketatuz.

Estrategia diseinatzeko fasearen metodologia (Hiritik At).

Azaletik azaldu da estrategiaren diseinuari diagnostikoa amaitutakoan ekingo zaiola. Halaber, azaldu da Hiritik At-ek deriba izeneko jarduera parte-hartzaile bat antolatuko duela, diagnostikoa osatze aldera ezagutu behar diren inguruko tokietatik ibilbide bat egitean datzana.

11-17 urteko gazteekin lan egiteko metodologia (Agizai)

Azaldu da adin tarte honetako auzokideak  ikerketa eta partaidetza prozesuetatik kanpo geratu ohi direla, baina beharrezkotzat jo dela haien parte-hartzea proiektuan txertatzea, parte hartzeko eskubidea eta eragiten dieten gauzei buruzko iritzia duten herritarrak direlako.

Diagnostiko-fasean eta estrategia egiteko fasean parte hartuko dutela azaldu da. Diagnostikoaren zatian inkesta betez parte hartuko dute. Horretarako, talde eragilearen laguntza behar da, eremu osoko 11 eta 17 urte bitarteko 6 gazte elkarrizketatu behar baitira. Beharrezkoa da gurasoen edo tutoreen baimena izatea. Horregatik, adin horietako pertsonak ezagutzen baditu, haiekin harremanetan jartzeko eskatzen zaio taldeari, elkarrizketak errazteko.

Egin beharreko zereginak

Inkesta taldeari aurkeztu eta betetzeko eskatu zaio, ondoren, ekarpenak egiteko. Honako kontu hauek aipatu dira:

1. zeregina

•  Aipatu da P1 galderan agian zerikusi gutxi duten gaiak biltzen direla, eta, beraz, balorazioa zaila dela. Adibidez, argiztapenaren balorazioa txarra izan daiteke, baina beste alderdiena ona. Erantzun da hori gerta daitekeela, baina baloratu beharreko elementu guztiak bereiziz gero, inkesta luzeegia izango litzatekeela. Gainera, landa-lanean beste jarduera batzuk ere sartzen direnez, galdera-sorta bidez bildutako informazio guztia zehaztu eta osatu ahal izango da.
• Inkesta positiboki baloratzen bada ere, interesgarria izango litzateke intereseko eta eragin handiko jarduera eta proiektuei buruzko galderak sartzea, adibidez, aurrekontu-proiektuari buruzkoak. Erantzun da galdera-mota horiek kontsulta-izaera dutela, inkesta-izaera baino gehiago, eta, eginez gero, kontsultaren emaitzei buruzko marko argia eta ondo zehaztua beharko litzatekeela. Nolanahi ere, ados gaude galdetzea ondo dagoela, baina, ondoren, hori guztia jarduera zehatzetara islatuta ikusi behar da.
• Udalak eremu honetan egiten dituen lanak kontrolatzeko ekintzei buruz berariaz galdetu beharko litzatekeela planteatzen da. Erantzun da P6 galderaren helburua, hain zuzen ere, udalak egin beharko lituzkeen jarduketak identifikatzea dela.

2. zeregina

Prozesuan sartu beharko liratekeen arazo edo gabeziak eta bisitatu beharreko lekuak identifikatzeko eskatu da.

Azkenik, leku horiek planoan markatu dira. Talde teknikoa arduratuko da deriba diseinatzeaz, emandako informazio guztia kontuan hartuta.

Bertaratutakoen inplikazio handia berriro eskertuz, lan-saioa itxi da.