Auzotik Galdakao. 4 eremua

Bigarren tailer honetan proiektuaren plangintza xehetasunez azalduko dugu. Bereziki, 1. fasea (diagnostiko partekatua) azalduko dugu.

BILKURAREN AURKEZPENA.

Bileraren helburuak aurkeztu dira: aurreko saiora joan ez zirenentzat prozesua berriro azaltzea, 1. fasea xehetasunez azaltzea eta proiektua geldiarazi edo lagundu dezaketen elementuen inguruan lan egitea.

PROIEKTUA AURKEZTEA.

Aurkezpen-txandaren ondoren, proiektuaren azalpenari ekin zaio. Azaldu da Auzotik Galdakao proiektuak Galdakaoko auzoen garapen orekatua bilatzen duela, eta horretarako, lehen urrats gisa, udalerria zonifikatu da. Sei eremu definitu dira. Horietako bakoitzean 4 fase dituen proiektu bat jarriko da abian.

• 0 fasea. Prozesuaren definizioa eta diseinua. Udalak proiektu bat prestatu du eta auzotarrekin eztabaidatu nahi du, auzo bakoitzaren errealitatera hobeto egokitzeko.
• 1.fasea. Parte-hartze bidezko azterketa estrategikoa. Eremu bakoitzaren errealitatea aztertuko da, haren beharrak identifikatzeko.
• 2.fasea. Estrategia formulatzea. Behar horietan oinarrituta, auzoak hobetzeko bidean aurrera egiteko 4 urterako jarduketak bilduko dituen proiektua prestatuko da.
• 3. fasea. Estrategia abian jartzea. Jarduerak datozen 4 urteetan jarriko dira abian.

Proiektu hau martxan dago bi eremutan (1. eta 2. eremuak) esperientzia piloto moduan.

Aurkezpenaren lehen zati horren ondoren, zalantza batzuk sortu dira:

• Inkestari buruz galdetu da, hau da, nola egingo den. Azaldu da lagin adierazgarri bat hautatuko dela, eremuko biztanleriaren egitura islatuko duena, adinaren, sexuaren, jatorriaren eta auzoen arabera. Auzo guztietara iritsiko da, eta inkesta etxez etxe egingo da, inkestatzaile talde batekin. Bizilagunak jakinaren gainean egon daitezen abisatuko da; izan ere, beste batzuetan, pertsona batzuek udaltzainei deitu diete, inkesta bat egiteko txirrinak jotzen ari zen jendea zegoela esanez, eta horrek mesfidantza sortu du.

Aurkezpenaren bigarren zatian xehetasun handiagoz azaldu da proiektuaren 1. fasea. Urritik martxora bitartean informazioa bilduko da eremuaren diagnostikoa egiteko. Jarduera hauek egingo dira:

• Biztanleei egindako inkesta (teknika kuantitatiboa). Azaroa eta abendua bitartean egingo da.
• Eztabaida-taldeak (teknika kualitatiboa). Azaroan egingo dira.
• Tailer irekiak. Jarduera parte-hartzailea, nahi duten pertsona guztiek auzoei buruzko ikuspegia eman dezaten. Abenduan egingo dira.
• Deriba. Auzoetan barrena gidatutako ibilbide bat da, leku jakin batzuetan geldituz, arazo eta behar desberdinei buruz hitz egin ahal izateko. Urtarrilean egingo da. Deriba bat, agian, eremu osoa zeharkatzeko nahikoa ez izatea planteatzen da, haren tamaina dela eta.

Halaber, azaldu da 1. fasearen hasieran Lurralde Kontseilua sortuko dela. Partaidetza-organo hori Udalak (arduradun politikoak eta teknikoak) eta herritarrek (kontseiluko kide izateko interesa duten pertsonak eta erakundeak) osatuko dute. Kontseiluaren eginkizunetako bat izango da estrategian jasotako jardueren jarraipena egitea. 2024ko azaroan sortzea aurreikusi da.

Aurkezpenaren lehen zati horren ondoren, zalantza batzuk sortu dira:

• Auzoetarako aurrekonturik egongo den galdetu du. Bi esperientzia pilotuen garapenarekin batera, prozesuaren partaidetza-esparrua gobernu-taldearekin landu dela azaldu da, eta horren barruan, besteak beste, zona bakoitzak aurrekontu bat izango duela adostu da. Aurrekontu horren xedea prozesu beraren esparruan erabakiko da. Hau da, ezarritako baldintzak betetzen dituzten proposamenak (adibidez, udalaren eskumenekoak izatea, legezkoak izatea, bideragarriak izatea, etab.) ekonomikoki baloratuko dira, eta aurrekontuaren mugen barruan badaude, horiek gauzatzeko lehentasuna eman ahal izango zaie.

PROIEKTUA LAGUNDU EDO OZTOPATU DEZAKETEN ELEMENTUEN INGURUKO HAUSNARKETA.

Proiektuari lagun diezaioketen alderdien inguruan hausnartzeko eskatu zaio taldeari, bai eta proiektua geldiarazi edo zaildu dezaketenen inguruan ere. Ideia hauek sortu dira:

Aipatu da auzo batzuetan elkargunerik ez egoteak proiektuaren garapena zaildu dezakeela. Zonifikazioari dagokionez, aipatu da ez dutela inolako zailtasunik ikusten Galdakaoko bi muturretako auzoak eremu berean sartu direlako, haien arteko distantzia benetan txikia baita.

Hurrengo bilera urrian egitea erabaki da.