Auzotik Galdakao. 2 eremua

Tailer honetan prozesua azaldu eta pertsona edo kolektibo interesgarriak identifikatuko dira

Tailerrak honako helburuak ditu:

• Auzoetako planak eta horien faseak aurkeztea eta parte-hartzaileak bertan kokatzea.
• Prozesurako funtsezkoak diren taldeak eta eragileak identifikatzea eta sailkatzea.
• Lurraldean komunikatzeko eta parte hartzeko espazioak eta kanalak identifikatzea.
• 0 fasean elkarrizketatzeko agenteak detektatzea.
• Parte-hartzaileen proposamenak jasotzea eta 0 eta 1 faseak garatzeko gako batzuk aurkitzea

AURKEZPENAK

Unai Amezagak (Parte-harzte teknikaria) eta Axel Morenko (Nommad kooperatiba) haien burua eta tailerraren dinamika aurkeztu dute.

Parte-hartzaileen aurkezpenerako tartea ireki da, eta parte-hartzaileei eskatu zaie azaltzeko zerk animatu dituen parte hartzera. Honako arrazoi hauek eman dira:

• Proiektu interesgarria iruditu zaie.
• Auzoa hobetzeko gogoa.
• Parte-hartzearekin zerikusia duenarekiko interesa.
• Auzoarekiko afektua.
• Auzo elkartea berpiztea.
• Jakin-mina.
• Proiektua babestea.
• Auzoaren beharrei erantzutea.

Bertaratutako gutxi batzuek adierazi dute noizbait parte hartu dutela parte hartzeko prozesuetan edo guneetan. Gehientsuenek lehen aldiz egiten dute.

PROZESUAREN AZALPENA

Talde dinamizatzaileak tailerraren dinamika eta auzoko planaren prozesua azaldu ditu. Hauek dira ideia nagusiak:

• Eremuka lan egitearen ideiak auzoen errealitatea politika publikoetara hurbiltzea du helburu. Iazko aurrekontu parte-hartzaileen prozesuan emaitza onekin entseatu da.
• Galdakao zonifikatu da eta bi eremu hautatu dira proiektuarekin esperimentatzeko. Erabaki horiek herritarrekin batera hartu dira hainbat lan-saiotan.
• Fasekako prozesu bat diseinatu da: 0 fasea (diseinu partekatua), 1 fasea (diagnostikoa), 2 fasea (plana egitea) eta 3 fasea (gauzatzea eta jarraipena).
• 0 fasean, lurraldeko funtsezko eragileak inplikatu nahi dira, maila desberdinetan.
• Prozesu honetako mugarri garrantzitsuenetako bat da 0 fasearen amaieran (iraila-urria) Auzo Kontseilua sortzea, udal eta herritarren ordezkaritza-organo gisa.
• Hori guztia parte hartzeko ordenantzaren proiektuarekin lotuta dago, eta laster jakinaraziko zaie herritarrei, dokumentuari ekarpenak egin diezazkioten.

TALDEAREN LANA

Taldeari honako zeregin hauek egiteko eskatzen zaio:

• Funtsezko eragileak identifikatzea (pertsonak, erakundeak, gizarte-ehuna...)
• Inplikazio-mailak esleitzea, hiru maila ezarriz: handia (talde eragilea), ertaina (auzo kontseilua) eta txikia (foroak, laguntza puntualak...)
• Lurraldeko informazio eta partaidetza kanal eta gune nagusiak biltzea.
• Asmoa da identifikatutako eragileak proiektuan parte hartzera gonbidatzea, maila guztietan. Inplikazio-mailak identifikatutako eragileentzako proposamenak dira, eta onartu ahal izango dituzte edo ez.

LANAREN EMAITZA
Hau da taldearen lanaren emaitza:

GIZARTE-EHUNA:

• INPLIKAZIO HANDIA: Argizai eta Kapitximeko Auzokide Elkartea.
• INPLIKAZIO ERTAINA: Urtebietako auzokideen taldea, Jubilatuen Elkartea, Etxebizitzen Sindikatua, Mozoilo Irratia eta Taekwondo Urreta
• INPLIKAZIO TXIKIA: Areto Dantza, Elkarbizi elkartea eta Sevillanak Dantza taldea

PERTSONAK:

• INPLIKAZIO HANDIA: Hainbat izen zehatz eman dira.
• INPLIKAZIO ERTAINA: Hainbat izen zehatz eman dira.
• INPLIKAZIO TXIKIA: Bengoetxeko Institutoa

ERAKUNDE-SAREA:

• INPLIKAZIO HANDIA: Emakumeen Etxea, Udaleko teknikariak eta Urreta Ikastetxeko Zuzendaritza
• INPLIKAZIO ERTAINA: EPA eta Musika Eskola
• BEHE-MAILAKO INPLIKAZIOA:

EHUN EKONOMIKOA:

• INPLIKAZIO HANDIA: Gu Dendari elkartea
• INPLIKAZIO ERTAINA: Tximelarreko taberna
• INPLIKAZIO TXIKIA:

Parte-hartze Arloa Talde Eragilean parte hartzeko identifikatutako eragileekin harremanetan jarriko da, taldea sortzeko bilkurara gonbidatzeko. Bilera apirilaren 25ean izango da, leku berean, 18:30tik 20:30ra.

Azken erronda bat egin da, eta egiaztatu da tailerra interesgarria izan dela.