Auzotik Galdakao. 2 eremua

2. eremuko auzoetako pertsona guztiei irekitako foroa da, diagnostikoan antzemandako beharrei erantzuteko proposamenak egiteko.

Proposamenek eskualdeko Lurralde Kontseiluak definitutako ildo estrategiko hauei erantzun beharko diete:

• Eremuan informazioa, parte-hartzea eta gizarte-kohesioa sustatzea.
• Lurraldeko udal baliabideak, zerbitzuak eta programazioa hobetzea eta zabaltzea.
• Tokiko merkataritza bultzatzea eta auzoetan kontsumoa sustatzea.
• Udal zerbitzuak eta baliabideak eremura hurbiltzea.
• Auzoetako osasungarritasuna eta garbitasuna hobetzea.
• Inguruko auzo guztien mugikortasuna, irisgarritasuna eta lotura hobetzea.
• Azpiegiturak eta hiri-altzariak eta eremu publikoaren antolamendua hobetzea.

Parte-hartze eta Gardentasun Arloak eta Nommad kooperatibak dinamizatutako saioa da, eta bertan Udal teknikariak ere egongo dira.

SARRERA

Saioa eta bere helburuak aurkeztu eta tailerrari hasiera eman zaio. Tailerraren helburua 2. eremurako Lurralde Kontseiluak ezarritako ildo eta ekintza estrategikoei erantzungo dieten proposamenen (ekintza operatiboak) inguruan lan egitea dela azaldu da.

Aurkezpen-txanda bat egin eta lanari ekin zaio.

PROIEKTUAREN AZALPENA

Aurkezpen-txandaren ondoren, proiektuaren azalpenari ekin zaio. Azaldu da Auzotik Galdakao proiektuak Galdakaoko auzoen garapen orekatua bilatzen duela, eta horretarako, lehen urrats gisa, udalerria zonifikatu da. Sei eremu definitu dira. Horietako bakoitzean 4 fase dituen proiektu bat jarriko da abian.

• 0 fasea. Prozesuaren definizioa eta diseinua. Udalak proiektu bat prestatu du eta auzotarrekin eztabaidatu nahi du, auzo bakoitzaren errealitatera hobeto egokitzeko.
• 1.fasea. Parte-hartze bidezko azterketa estrategikoa. Eremu bakoitzaren errealitatea aztertuko da, haren beharrak identifikatzeko.
• 2.fasea. Estrategia formulatzea. Behar horietan oinarrituta, auzoak hobetzeko bidean aurrera egiteko 4 urterako jarduketak bilduko dituen proiektua prestatuko da.
• 3. fasea. Estrategia abian jartzea. Jarduerak datozen 4 urteetan jarriko dira abian.

Proiektu hau martxan dago bi eremutan (1. eta 2. eremuak) esperientzia piloto moduan.

EKINTZA OPERATIBOEI BURUZKO LANA.

Auzoen behar nagusiak identifikatu dituen diagnostikoa egin ondoren, Lurralde Kontseiluak estrategiak izan behar duen egitura diseinatu duela azaldu da. Hona hemen egitura:

• 3 ardatz estrategiko (AE). Gobernu Planak ematen ditu.
• 8 ildo estrategiko (LE).
• 20 ekintza estrategiko (AE).
• 77 ekintza operatibo (AO).

Tailerraren dinamika ekintza operatiboak aztertzean datza, hau da, taldeka lan egitean, bertaratutako udal-langileen laguntzarekin, honako hauek baloratzeko:

• Jasotako ekintza operatiboek ekintza, ildo eta ardatz estrategikoei erantzuten dieten.
• Hobetu edo zehaztu behar diren.
• Udalaren eskumenekoak diren.
• Ekintza berriak sartu behar diren.

Ekintzak aztertu ondoren, pertsona bakoitzari eskatuko zaio zein diren 10 ekintza operatibo garrantzitsuenak eta zein diren premiazkoenak. Bestalde, talde teknikoak baliabide gutxien konprometitzen dituzten ekintzak identifikatuko ditu.

Talde-lana egin da, eta horren emaitza erantsitako dokumentuan kontsulta daiteke.

HURRENGO URRATSAK

Egindako lan guztiarekin, datozen 3 asteetan udal teknikariek proposamenen balorazio teknikoa egingo dute ekainaren amaierako Lurralde Kontseilura eramateko. Kontseilu horretan zehaztuko da 2025eko aurrekontuan zer ekintza operatibo sartu behar diren eeremuari esleitutako aurrekontuaren finantzaketarekin (170.000 €), eta gobernu-taldeari zer jarduketa helaraziko dizkion baloratu ditzan.