🏛 Kultura ondare katalogoaren foroa

Arduradun politiko eta teknikoek Kultura Ondarearen Katalogoaren proiektuaren egoera azalduko dute.

Udalaren izenean parte hartu duten pertsonak aurkeztu dira: Asier Eguiraun (Hirigintza, Segurtasun eta Hezkuntza zinegotzia), Olaia Parra (Gardentasun, Parte-hartze, Kultura eta Musika Eskolako zinegotzia), Aitziber Laskibar (Komunikazio arduraduna) eta Unai Amezaga (Parte-hartze eta Gardentasun teknikaria).

Lehenik eta behin, informazio-fasearen emaitzak azaldu dira:

Erabaki.galdakao.eus webgunean espazio iraunkor bat sortu da, proiektuaren aurrerapenen eta berrikuntzen berri emateko eta zalantzak eta galderak jasotzeko.

• Lau informazio-saio antolatu dira aurrez aurre. 8 ordu guztira, eta 16 pertsona bertaratu dira informazio eske.
• 48 galdera jaso dira.
• Denak erantzun dira, 11 izan ezik, zain baitaude.
• Zabalkunde-zerrenda bat sortu da informazioa zuzenean bidaltzeko, eta 28 pertsonak izena eman nahi izan dute.
• Espedientera sartzeko baimena eman zaie eskaera egin duten pertsona guztiei (5 izan dira).

Ondoren, Udalak egungo egoera azalduko du:

• Hurrengo osoko bilkuran (otsailaren 23an) espedientearen izapidetzea ezetsiko da, eta hasierako onespenaren aurreko puntura itzuliko gara.
• Erabaki horren arrazoia katalogoak Galdakaorentzat duen garrantzia ulertarazteko zailtasunak direla azaldu da. Proiektu honek sortu dituen zalantzek eta beldurrek atzerapausoa ematea gomendatu dute. Hala ere, Udalak herriarentzat ona dela pentsatzen jarraitzen du.
• Bestalde, azaldu da kontserbatzeko betebeharrek etxebizitza guztiei eragiten dietela, katalogoan sartuta egon ala ez. Katalogoan sartzeak, ordea, aukera ematen du onura ekonomikoa izateko (udal-zergak eta tasak murriztuz) horrelako lanei ekiteko orduan.

Auzokideek kritikatzen dute hasierako informazioa ez dela egokia izan, eta egokia izan balitz agian ez ginatekeela egoera honetara iritsiko. Udaleko ordezkariek kritika hori onartzen dute eta aipatzen dute ondorengo gobernu taldeak erabaki beharko duela proiektuarekin jarraitu eta nola jarraitu.