Haurren Kontseilua

Kontseiluaren lehen saioa, eratzeko saioa. Bertan Iñigo Hernando Arriandiaga Alkatea eta Olaia Parra Mezo Parte-hartze eta Gardentasun zinegotzia izango dira.

Saioaren lehenengo zatia, ezagupen jolasekin, distentsio, taldea osatzeko dinamika desberdinak erabiltzen aritu ginen hasierako "lotsa" egoera hori haurrei gainditzen laguntzeko. Oso garrantzitsua iruditzen zitzaigun lehenengo saio honetan haien aurpegiak eta izenak ikastea, eta talde sentimentuaren sorrerari hasiera on bat ematea.

Saio erdian, hamaiketakoa jateko eta deskantsatzeko izan zen. Deskantsua eta gero, haurren intereseko gaiak zeintzuk izan ahal diren ezagutzeko, jolas bat proposatzeko asmoa genuen eta ondoren, osoko bilkurara joan eta musika lasai baten laguntzarekin, aurretik globoen puxkaketa jolasan agertu ziren gaien inguruko lanketa egin.

Denbora aldetik, aurreratu genuen Udaletxera sartzearena eta sarreran Alkatea eta zinegotzia gure zain egon ziren, harreratxoa egiten. Eurekin batera osoko bilkurara joan eta bertan, haurrek osoko bilkura saio batean jendea non esertzen den eta nola antolatzen diren bizitzeko aukera izan zuten. Gure Alkatearen jarrerak asko lagundu zuen, haurrei azalpenak emateko eta galderak erantzuteko prest agertu zen. Haurrei asko gustatu zitzaien espazio horretan rolak hartzea eta horretan aritzea. Horren ostean berriro kalera irten ginen eta haien intereseko gaien zerrenda osatu genuen. Honetarako, talde txikietan elkartu eta paper zuri handi batean adierazteko teknika desberdinak eskainiz, bakoitzak nahi izan zuen moduan bere ideiak jaso zituen.