Haurren Kontseilua

Bigarren saio honetan aurrekontu parte-hartzaileetarako proposamenak landuko dira.

Saio honetan herrian duguna eta egotea nahiko genueekari buruzko lanketa egin dugu.

Eperlandan elkartu eta girotze jolas batzuk aurrera eraman ondoren, saio honen lanketarekin hasi gara. Ikasleak motibatuta etorri dira, are gehiago, askok boluntarioki hobetze proposamenak idatzita ekarri dituzte taldean partekatzeko. Ikastetxez ikastetxe, txandak eskaini ditugu aurretiko lanketa hori amankomunean jartzeko eta gero, herrian dugunaren lanketarekin hasi gara:

4 talde sortu ditugu (ikastetxe desberdinez osatuak) eta talde bakoitzari gure herriko gune bat irudikatzeko paper zuri erraldoi bat emango diogu. Errotulkiak, kolorezko paperak, pegamentua, arkatzak, plastilinak... eskuragarri duten materialarekin haientzat herriko gune horretan inportantea dena jasotzea eskatu diegu; denbora mugatua izan dute, musika kentzean hurrengo paper zatira joan behar ziren eta herriko beste gune horretan haien ustez garrantzitsuena irudikatu. Horrela 4 biderrez. Kideek lan bikaina egin dute, oso ondo egokitu dira eta haien artean asko lagundu diote elkarri. Esan beharra dago, herriko zenbait gune ezezagunak zirela eta taldeak mistoak izateak aberastu egin duela, batzuentzat ezezaguna zena beste batek ezagutzen zuen eta horrela ariketa aurrera atera egin dute.

Ondoren, denbora librea eskaini diegu, haien artean hitz egiteko, lasai egoteko eta zertxobait jateko. Gero eta harreman gehiago antzematen da, taldea sendotzen doa.

Saioaren bigarren ekintza, Aperribai osotik ginkana batean parte hartzea izan da. Istoria bat kontatu ostean, taldeka mapan X batez markaturik zeuden lekuetara joan eta objektu bat aurkitu behar zuten. Bukatzeko, hasierako gunera bueltatu eta taldean, eskuratutako "dirua"zertan gastatuko luketeen adostu. Oso ondo pasatu dute, are gehiago, denbora arin pasa dela adierazi dute eta jolasean jarraitu nahi zuten.

Hausnarketa horren ostean eta saioari bukaera emateko, partehartze teknikariaren bisita izan dugu; oso gertua izan da eta aurrekontu parte-hartzaileak zer diren, bere funtzioak zeintzuk diren eta haurren artean suertatutako zalantzak erantzuten aritu da.

Saio honen ebaluazioa oso ona da, ikasleak gehiago egiteko gogoekin gelditu dira eta hori seinale ona iruditzen zaigu, hurrengo topaketara ziur gogotsu etorriko direla!