Haurren Kontseilua

Hasiera  [ 10:00 - 11:00]

---

Kide guztiak Musika eskolara heltzerakoan saioari hasiera emango diogu jolas dinamiko batekin Testuinguruan jartzeko eta lanketa prozesua ahalbideratzeko helburuarekin.

6. saio honetan, aurreko saioan proposatuko ideiak garatzeko momentua izango da. Naturaren, elikaduraren eta animalien zainketarako proposamenetik abiatuta, planteamendu zehatz bat egingo dugu.

Talde bakoitzak aurreko saioan agertutako ideia bat izango du eta ideia horren gaineko lanketa bat egin beharko dute. Hau da, zehaztasunak eta proposamenaren nondik norakoak diseinatuko dituzte. Diseinu hori, material ezberdinekin (plastilina, margoak, tenperak,...) prestatu ahal izango dute.

Ondorioz, talde bakoitzetik proiektu garatuago bat sortuko da eta Udalari zehaztasun gehiagorekin emateko aukera izango dugu. 

Atsedenaldia  [ 11:00 - 11:15]

---

Atsedenaldia, hamaiketakoa joan eta denbora libreaz gozatzeko aukera.

Amaiera  [ 11:15 - 12:00]

---

Musika eskola barruan, musika lasaia jarrita, aurreko tartean landutakoa talde osoari aurkeztuko diete. Talde handian rol batzuk banatuko dira, debatea eta ideia ezberdinak eztabaidatzeko helburuarekin. Talde handiko pertsona batzuk, proiektuaren aldeko argudioak botako dizkiete aurkezpena egin ostean eta taldeko beste kide batzuk ordea, proiektuaren kontrako edo zailtasunak planteatuko dituzte. Beti ere, errespetuz eta kideen lana zapaldu eta indargabetu barik.

Ostean, guztion artean proiektuaren zehaztasunak adostuko ditugu. Proposamen adostu hori Udalari helaraziko diogu.