Haurren Kontseilua

Dena saiorako prest!

Aldaketa klimatikoaren dinamika lantzen hasi gara naturaren eta ingurugiroaren gaia lantzen egon gara. Hainbat proba egin ostean (mugimendu probak auzoko leku ezberdinetakoak), talde bakoitzak diru kopuru jakin bat lortu du. Diru hori zertan inbertitu nahiko luketen pentsatu behar izan dute eta horren ostean, proposamenak idatzi.

Proposamenak marrazkien bidez edota idatziz islatzeko aukera izan dute. Bi teknikak uztartu dituzte eta hainbat proposamen egin dituzte. Proposamenak ingurugiroa, animalien zaintza eta herriko berdegunean ingurukoak izan dira. Hauxek dira:

Natura eta elikagaiak:

• Ortu komunitarioak: jakin badakite ortu batzuk daudela Gandasegira bidean baina eskatzen dute leku gehiago ortu komunitarioak egiteko. Herriak bere elikadura ekoizteko.
• Paperontzi gehiago jarri (hau aurreko urtean atera zen eta azken saioa esan zitzaien jarrirko zirela…. Agian prozesu hau zelan doan jakin beharko genuke)
• Berdegune gehiago: Zuhaitz gehiago jarri lorategietan.

Kutsadurarekin harremana daukatenak:

• Lantegiek ez kutsatzeko arauak: proposamen honekin gehien kutsatzen duten enpresa edo lantegiei arau zorrotzak jartzeko proposamena egiten dute.
• Auto elektrikoak sustatzeko ekintzak
• Bizikletaren erabilera sustatzeko ekintzak.

Animaliak:

• Animaliak libre egoteko leku gehiago.
• Desagertzear dauden animaliak zaintzeko lekua (“Protectora” antzerako leku bat)
• Animalien zaintza zerbitzua
• Txoriak jateko lekuak (etxe modukoak daude beste herri batzuetan)

Saioaren garapenari dagokinez, oso ondo joan da. Umeak dinamikoak eta parte hartzaileak izan dira eta hainbeste denbora egon garenez haurren kontseilua bildu barik, aurreko saioetan egindako ekarpenak eta ekintzak birgogoratu ditugu.