Santakurtzak 2024ko kontzertuak 🎸

Helburua.

2024ko Santakurtzetako Ardantza parkeko 4 kontzertuetako talde nagusiak aukeratzea.

Parte-hartzera deitutakoak:

• 16 urtetik gorako galdakoztarrak: Jai Batzordeak egindako proposamenetan oinarritutako bozketan parte ahal izango dute.
• Jai batzordeko kideak: Jai Batzordearen egitekoa izango da bozkatera emango diren hiruko taldeen osaketa egitea.

Proposamenek bete behar dituzten irizpideak:

• Automatikoki aplikatu beharreko irizpidea. Automatikoki baztertuko dira honako proposamen hauek:

1. Azken hiru urteetan Galdakaon jo duten taldeak.
2. Gutxienez, lau aldiz proposatu ez diren taldeak.
3. Letra, jarrera edo janzkeran mezu diskriminatzaileak sustatzen dituzten taldeak.

• Balorazio teknikoa egiteko irizpideak. Proposamenak honako irizpide hauei jarraiki aztertuko dira:

1. Kontzertuetan emakumeen presentzia bermatzea ezinbestekoa (4 kontzertutik 2tan gutxienez). Presentzia esanguratsua izan behar da: hau da, edo kualitatiboki presentzia nabaria delako (abeslaria) edo kuantitatiboki taldekideen erdia baino gehiago direlako.
2. Aurrekontura egokitzea: guztira 80.000 € (BEZ barne) eta ez da onartuko 50.000 €tik gorako kostua duen talderik (BEZ barne).
3. Ardantzako agertokian jotzera egokitzea. Taldearen behar teknikoak Galdakaoko behar teknikoetara egokitzea.
4. Musika estiloen aniztasuna.
5. Euskarazko musikaren presentzia nabaria izan behar da (4 kontzertuetatik 2tan gutxienez).

Jasotako proposamenak nahikoak ez balira emakumeen eta euskararen presentzia bermatzeko, Udalak ere proposamenak egin ahal izango ditu. proposamen horiek bozketa fasera pasatuko dira.