Auzotik Galdakao. 2 eremua

Saio honetan, eremuko auzoen beharren diagnosi-fasea landu da. Honako gai hauek jorratu dira:

• Diseinatutako galdetegia kontrastatu eta haren zabalkundea aztertu da.
• Urtarrileko tailerretarako datak eta espazioak finkatu dira (tailer horien helburua diagnostikoa osatuko duen informazioa biltzea da).
• Deribak zer diren azaldu da eta auzokideak parte hartzera animatu da.
• Eztabaida-taldeak zer diren azaldu da, eta auzoko bizilagunen parte-hartzea eskatu da.

AURKEZPENAK

Bilerari aurkezpen-erronda batekin eman zaio hasiera, eta Lucia Rodriguez Begirune Fundazioko kidea, proiektuaren ikerketa sozialaren zatiaz arduratzen dena, bertan izan dela nabarmendu da. Begirune Fundazioak Bilbon du egoitza, eta gizarte-ikerketan espezializatuta dago, bereziki migrazio-fenomenoekin zerikusia duen guztian.

Gogoratu behar da, halaber, talde eragilearen eginkizuna dela prozesua babestea eta bultzatzea.

PROZESUA GOGORARAZTEKO

Prozesua martxoan hasi zen, 0 faseko zereginekin: talde eragilea sortzea eta auzoko plana egiteko prozesu osoa diseinatzea (1., 2. eta 3. faseak). Udako etenaldiaren ondoren, Partaidetza Arloak honako zeregin hauek bete ditu:

1. Prozesuari laguntzeko beharrezko kontratazioak prestatzea. Zehazki, Begirune Fundazioa kontratatu da diagnostiko-lanetarako, eta Nommad Kooperatiba prozesua fase guztietan dinamizatzeko laguntzarekin zerikusia duen guztirako, eta, bereziki, planaren formulazioaren 2. fasean.
2. Partaidetza-markoa definitzeko lana gobernu-taldearekin. Bi lan-saio egin dira gobernu-taldearekin, erakundeak prozesuarekiko ezartzen dituen mugak eta konpromisoak zehazten dituen esparrua argi eta garbi zehazteko. Esparru hori behin betiko definituko da 2. fasea hasi baino lehen (plana egiteko fasean). Proiektuaren izena "Auzoen Plana" izatetik "Auzotik Galdakao" izatera igaroko dela erabaki da, eta proiektu horrek eremu bakoitzean talde eragileak erabaki beharko duen izen bat hartuko duela ("2 eremua" bezalako izen generikoak ekiditeko).

Jarraitzen ari garen kronograma azaldu da:

1. Prestaketa-lanak. 2023ko iraila-urria
2. Informazioa biltzea (teknika kuantitatiboak eta kualitatiboak). 2023ko azarotik abendura
3. Analisia. 2024ko urtarrila-martxoa
4. Kontrastea. 2024ko urtarrila-martxoa

ORAINGO FASEAREN AZALPENA

Une honetan, diagnostikoa egiteko beharrezkoa den informazioa biltzeko fasea prestatzen ari gara. Teknika hauek erabiliko dira:

1. Inkesta. Eremuko biztanleen lagin adierazgarri bat aukeratu da, eta etxez etxeko inkestak egingo dira azaroaren erdialdetik abendura bitartean. Lagin hori handitu ahal izango da online edo paperean bete daitezkeen inkestekin, talde eragilearen laguntzarekin.
2. Eztabaida-taldeak. Inkestaren teknika osagatzen du, lortutako datuei zentzu handiagoa ematen dieten diskurtsoak biltzeko aukera ematen baitu. Talde bat egingo da diskurtsoa eta ezagutza duten auzoetako pertsona eta eragileekin, eta beste bat udal-teknikariekin.
3. Tailerrak. Inkesta-lana eta taldeen dinamikak auzo osoari irekitako tailer batekin osatuko dira, eta, ahal dela, abenduan bildutako informazio apur bat ezagutu ahal izango da diagnostikoa osatzeko. Helburua auzo osoak ekarpenak egiteko aukera izatea ere bada. Ez soilik inkestatutako pertsonek edo eztabaida-taldean parte hartzen dutenek.
4. Deriba. Auzoan zehar ibilaldi bat egitean datza, diagnostikorako jaso beharreko alderdi garrantzitsuak ikusteko lekurik esanguratsuenetan geldituz.

Komunikazioa ere lantzen ari gara. Informazioa biltzeko lanak egin aurretik, auzo guztietan postontzietan banatuko da prozesuari buruzko informazioa, bizilagunak jakinaren gainean egon daitezen eta prozesuko dinamikaren batean izena eman dezaten.

Azkenik, parte-hartze ordenantzaren onarpena abendura arte atzeratzen denez, auzoko kontseiluaren sorrera otsailera arte atzeratuko dela azaldu da.

Errepasoa egin ondoren, galdera eta iruzkin batzuk egin dira:

1. Azkenean auzoetako zinegotziaren figura sortuko ote den galdetu da. Erantzun da aukera hori ordenantza egiteko prozesuan baloratu zela, baina, azkenean, baztertu egin zela. Aurreikusten dena da kontseilu bakoitzeko presidentzia "... Alkatetzak edo hark eskuordetzen duen Zinegotzigoak..." izan behar dutela. Beraz, auzo-kontseiluaren ondorioetarako, erreferentziazko zinegotzi bat egongo da.
2. Gomendagarria litzateke, postontzietan jartzeaz gain, kartelak jartzea auzoko atari edo leku estrategikoetan.
3. Inkesta eginda dagoen galdetu da, eta talde motorrarekin kontrastatu gabe egin izan balitz ez litzatekeela ondo ikusiko. Erantzun da hori dela, hain zuzen ere, saioaren helburuetako bat. Galdetegia eginda dago, baina taldearekin aztertu nahi da, eta aldaketak egiteko garaiz gaudela.
4. Hori guztia prestatzen ari den gobernu-planarekin nola lotzen den ere galdetu da. Erantzun da bi planek koherenteak izan behar dutela eta lerrokatuta egon behar dutela. Plana egiteko 2. fasea hasten denean, gobernu-plana eginda egongo da, eta kontuan hartu beharreko lan-esparrua izango da, zalantzarik gabe.
5. Azkenik, proiektu honekiko konpromiso politikoaz galdetu da, noraino iristen den jakin nahi da. Erantzun da gai hori gobernu-taldearekin lantzen ari dela. Garrantzitsuena da plana egiteko lanak hasten direnean marko hori edo "joko-arauak" argi eta garbi azaltzea.

TALDEAREN LANA

Taldeari inkesta berrikusteko eskatu zaio. Bertaratutakoei betetzeko eta oharrak egiteko eskatue. Dinamikaren ondoren, honako ekarpen hauek jaso dira:

1. Galdera batzuen komenigarritasunari edo interesari buruzko zalantzak sortu dira, hala nola, diru-sarrerena edo kargu politikoek betetzen duten lana baloratzeko galderaren ingurukoak. Lehenengo galderari dagokionez, aldagai horren eta auzoko bizi-kalitatearen balorazioaren artean erlazio posibleak ezartzeko aukera ematen duen gurutzaketa-aldagaia dela erantzun da. Bigarren galderari dagokionez, erantzun da beti dela datu interesgarria jardun publikoaren balorazioaren atal gisa. Nolanahi ere, galderek aukera ematen dute ez erantzuteko.

Tallerraren eta deribaren datak, ordutegia eta lekuak ere landu dira taldearekin. Honako hau erabaki da:

1. Tailerra: urtarrilak 15, astelehena, 18:00etan, Urreta 2 eskolan.
2. Deriba: urtarrilak 21, igandea, 11:00etan.

Azkenik, erabaki da talde eragilearen hurrengo bilera urtarrilaren 8an izango dela, astelehena, lokal honetan bertan, 18:30ean.

Proposatu da talde eragilearen bilerak (eta urtarrileko tailerrarena) astelehenetara pasatzea. Izan ere, hostalaritza astelehenetan itxi egiten da eta hala eginez gero aukera ematen zaie hostalariei parte hartzeko. Auzoan oso eragile aktiboak direlako.