Auzotik Galdakao. 3 eremua

Hauek izan dira saio honen helburuak:

1. Proiektuaz arduratuko den talde teknikoa aurkeztea.
2. Auzoetan informazioa biltzeko erabiliko den galdetegia aurkeztu eta testeatzea.
3. Deribaren ibilbidea diseinatu.
4. Ondorengo faseetan erabiliko diren komunikabideak azaldu eta horien inguruan ekarpenak jasotzea.

Sarrera eta aurkezpenak
Bilerari hasiera emateko, partaideei eskerrak eman eta aurkezpenak egin dira. Proiektuaren kudeaketa teknikoaz arduratzen den taldeko kideek bat egin dute taldearekin: Jordi (Wikitoki), Izaskun (Hiritik At) eta Idoia (Argizai).

Bilera kokatu

Auzotik Galdakao proiektuaren testuinguruan kokatzen da bilera, eta gogorarazi da talde eragilea pertsona-talde txiki bat dela, eta interesa agertu dutela prozesuarekin aktiboki lankidetzan aritzeko.

Gogorarazi da prozesuaren helburua dela eremu honetarako epe labur, ertain eta luzerako jarduketa-estrategia bat diseinatzea, eremu hori osatzen duten auzoen beharren azterketa batetik abiatuta.

Saioaren azalpena

Azaldu da lantalde teknikoko kide bakoitzak dituen zereginak azalduko dituela, eta, ondoren, hiru lan zehatz egingo ditugula:

• Inguruko agenteen mapa berrikustea eta osatzea.
• Bizilagunei egingo zaien inkesta osatu, berrikusi eta ekarpenak egin.
• Deriban bisitatu behar diren zonako puntuak identifikatzea.

Gogoan izan behar da, halaber, proiektuaren elementu garrantzitsuetako bat lurralde-kontseilua sortzea dela. Herritarrek eta erakundeek osatutako parte hartze espazio egonkorra da. Besteak beste, estrategian jasotako konpromisoen betetze-mailaren jarraipena egiteaz arduratzen den organoa da.

Kontseiluaren eraketa abenduan onartuko da Udalbatzan.

Kide kopuruari buruz galdetu da, eta erantzun da gehienez 20-25 kide izango direla eta herritarrak gehiengoa izango direla beti.

Diagnostikoaren metodologia eta kronograma (Wikitoki)

Informazioa biltzeko eta aztertzeko teknika kuantitatiboak eta kualitatiboak erabiliko direla azaldu da.

• Eremuari buruz dauden datuak aztertzea. Bidean dago.
• Inkesta eremuko lagin adierazgarri bati (178 inkesta). Azaroa eta abendua, formatu presentzialean eta on line.
• Inguruko bizilagunei irekitako tailerra. Azaroaren 11.
• Talde eragile guztiak biltzen dituen tailerra (4 gune). Abenduaren 11.

Inkestak betetzeko jarraitu beharreko metodologiari buruz galdetu da. Lagin adierazgarri bat lortzea bermatuko dela azaldu da, afijazio proportzionalaren metodoari jarraituz (laginak biztanleriaren egitura izan behar du). Inkestak kalean eta auzokideak bildu ohi diren espazioetara joanda egingo dira.

Estrategia diseinatzeko fasearen metodologia (Hiritik At).
Azaletik azaldu da estrategiaren diseinuari diagnostikoa amaitutakoan ekingo zaiola. Halaber, azaldu da Hiritik At-ek deriba izeneko jarduera parte-hartzaile bat antolatuko duela, diagnostikoa osatze aldera ezagutu behar diren inguruko tokietatik ibilbide bat egitean datzana.

11-17 urteko gazteekin lan egiteko metodologia (Agizai)

Azaldu da ikerketa eta partaidetza prozesuetatik kanpo geratu ohi direla, baina beharrezkotzat jo dela haien parte-hartzea proiektuan txertatzea, parte hartzeko eskubidea eta eragiten dieten gauzei buruzko iritzia duten herritarrak direlako.

Diagnostiko-fasean eta estrategia egiteko fasean parte hartuko dutela azaldu da. Diagnostikoaren zatian inkesta betez parte hartuko dute. Horretarako, talde eragilearen laguntza behar da, eremu osoko 11 eta 17 urte bitarteko 6 gazte elkarrizketatu behar baitira. Beharrezkoa da gurasoen edo tutoreen baimena izatea. Horregatik, adin horietako pertsonak ezagutzen baditu, haiekin harremanetan jartzeko eskatzen zaio taldeari, elkarrizketak errazteko.

Egin beharreko zereginak

Inkesta taldeari aurkeztu eta betetzeko eskatu zaio, ondoren, ekarpenak egiteko. Honako kontu hauek aipatu dira:

1. zeregina

• Adierazi da P1 galderan "Ez dago" erantzun aukera sartu beharko litzatekeela, auzo horietan ez baitaude galdetzen diren zerbitzu edo baliabide asko. Erantzun da galderaren helburua ez dela zerbitzu edo baliabide horiek dauden ala ez jakitea, baizik eta inkestatutakoak gabezia hori nola baloratzen duen jakitea. Galdetzen den hori existitzen ez bada (adibidez, osasun-baliabide bat), gabezia hori nola baloratzen den erantzun beharko da. Erantzuten duten pertsonei hori azaldu behar zaiela erabaki da.
• P1ean mantentze-lanei buruzko item espezifiko bat sartzea proposatu da.
• Akats ortografiko edo gaizki idatzitako esaldi batzuk aipatu dira.
• P3 galderan item bat sartzea eskatu da, udal-langileek eremuari buruz duten ezagutza-mailari buruzkoa.

2. zeregina

Prozesuan sartu beharko liratekeen agenteak edo pertsonak identifikatzeko eskatu zaio taldeari, baita prozesuari begira identifikatu beharreko arazo edo gabeziak eta bisitatu beharreko lekuak ere.

Azkenik, leku horiek planoan markatu dira. Talde teknikoa arduratuko da deriba diseinatzeaz, emandako informazio guztia kontuan hartuta.

Bertaratutakoen inplikazio handia berriro eskertuz, lan-saioa itxi da.